阿女出世紙上原名：吳轉好

出生日期：約 1955年10月19日

出生地址：香港西環卑路乍街141號1樓

生父姓名：吳枝

生母姓名： 徐旺

出世紙登記日期：1955年11月16日

被收養時：約兩歲(約1957-1958年)

生父母住：香港西環加多近街17號6樓天台木屋

養父母住：大埔開小雜貨士多。

「阿女，

我知道我好對你唔住將你送咗比人，希望你唔好怪我！

因為我都係逼不得意！我地都係呢個封建社會下受害者！

我只是一個冇學識文盲婦人受盡封建家婆氣而忍痛聽從

家婆主意要將我自己親生骨肉送比人！
我每次諗起你都好卦住你！好擔心你養父母對你唔好！

你出世時已有兩個姊姊和一個哥哥 (但約三歲多因疴紅白痢而病死) 。

家裏當時非常窮困，你爸爸打工賣豬肉，很難賺夠家庭生活費。
到你出世後,你就不停哭叫，後來更哭致眼睛發炎。

我見你咁可憐痛苦，又冇錢帶你睇醫生。

你嫲嫲識到一個叫雞婆收養中介人找到你養母家庭收養你。

聽聞你養父母在大埔開小雜貨士多。

你爸爸同我都非常唔捨得你。所以連同你出世紙交比你養父母。

希望給你身分記認。我們從來沒有收過任何金錢。

收養之後中介人雞婆對我說：

「對方養父母家人都好鍚你。而你又没有再大哭叫，而你眼睛發炎亦好了。」

你養母只曾經一次來過西環加多近街17號7樓天台木屋見過我。

我對你養母講：「「放心啦，而家出世紙一拼交給你，只希

望你好好痛鍚轉好，等佢將來會真係轉好，幸福快樂。」」

我估你養母見四叔是軍部司機及我們全家人數衆多，
可能怕將來取回你，所以以後就一直沒有出現過。

你爸現年96歲，而我都85歲。雙眼黃斑病兼千度近視，

雙膝亦退化多年，早幾個月跌碎盤骨三塊，剛做完重組手術在家休養。

其實你爸爸同我只希望能百年歸老前見你一面。

其實你養父母是當你係佢地自己親生，

可能已改名，養父母完全保持秘密，

所以你本人自己可能仍然未知自己被收養。」

- 你的生母留言